Trio i gynrychioli Cymru yng Nghwpan Rygbi’r Byd
Mae tri dalent rygbi cyffrous o Grŵp y Colegau NPTC yn edrych ymlaen at chwarae ar y llwyfan rygbi rhyngwladol dros yr haf gan eu bod wedi cael eu dewis ar gyfer y garfan rygbi Cymru D20 ar gyfer Cwpan Rygbi’r Byd yn Ffrainc.
Yn ddiweddar, detholodd Geraint Lewis, y Prif Hyfforddwr Interim, ei garfan – yn cynnwys Rhys Henry a myfyrwyr Chwaraeon presennol Academi Chweched Dosbarth Coleg Castell-nedd, Tiaan Thomas-Wheeler a Dewi Cross, sy’n gwneud eu gorau ar gyfer Cymru U18 eleni. Mae’r ddau, sy’n astudio Diploma Estynedig BTEC Lefel 3 mewn Chwaraeon, wedi gwneud eu debutiau i’r Gweilch yn erbyn Caerloyw yng Nghwpan Anglo Cymru eleni ac ers hynny maent wedi mynd ymlaen i fod yn llwyddiannus ar gyfer eu rhanbarth yn y Pro 14.
Maent hefyd wedi bod yn chwarae’n rheolaidd ar gyfer Grŵp Colegau NPTC yng Nghynghrair Datblygu Ysgolion a Choleg Cymru. Cafwyd anrhydeddau am eleni, gyda Cross yn cael Ysgoloriaeth Rhagoriaeth Chwaraeon yn y Gwobrau Bwrsariaethau ac Ysgoloriaethau, tra bod Thomas-Wheeler yn cael ei enwi’n ddiweddar yn ‘Chwaraeon y Flwyddyn’ yn y Gwobrau Chwaraeon blynyddol.
Dywedodd Tiaan: “Rydw i dros y lleuad ar ol cael fy newis ar gyfer Cymru 20ain yng Nghwpan y Byd yn Ffrainc. Rydw i wedi gweithio’n galed iawn ac ni allaf aros i brofi fy hun yn erbyn y gorau yn y byd. Ond does dim amheuaeth na alla i wneud hyn heb gefnogaeth Coleg Castell-nedd sydd wedi fy helpu i reoli fy ymrwymiadau rygbi ac addysg. ”
Mae Rhys, sydd ar hyn o bryd yn astudio Cyfraith, Hanes a Bagloriaeth Cymru yng Ngholeg Castell-nedd, wedi chwarae ei rygbi bach, iau a ieuenctid ar gyfer Clwb Rygbi Cwmafan, ac yna ymunodd â’r Gweilch lle’r oedd yn chwarae ar gyfer y rhai dan 16 ac dan 18 oed . Roedd Rhys yn rhan o garfan y Chwe Gwlad U20 eleni a phrofodd fuddugoliaeth dros yr Alban ac Iwerddon. Ar hyn o bryd mae’n chwarae ei rygbi clwb yn Uwch Gynghrair y Principality yng Nghlwb Rygbi Aberafan.
Dywedodd Rhys wrthym: “Mae’n anhygoel cael fy newis ar gyfer Cwpan y Byd oherwydd y gallwn gystadlu yn erbyn y chwaraewyr gorau yn y byd yn ein grŵp oedran. Rwy’n siŵr y bydd yn brofiad gwych a byddaf yn sicr yn dysgu llawer. Mae gennym grŵp anodd iawn ond rydym yn credu yn ein hunain ac nid oes rheswm pam na allwn fynd allan a guro’r gorau. ”
Rydym yn dymuno pob lwc i’r tri a’r gweddill o garfan garfan Cymru! Bydd Cymr yn chwarae Awstralia yn y Stade de la Méditerranée yn Béziers ddydd Mercher 30 Mai (20:00 BST), a Seland Newydd yn yr un lleoliad ddydd Sul 3ydd Mehefin (15:30 BST). Yna maent yn rowndio Pwll A gyda thaith i’r Stade Aimé Giral yn Perpignan am gyfarfod â Japan ddydd Iau 7 Mehefin (17:30 BST).
Pic: Rhys Henry yn chwarae yn erbyn Lloegr yn y Chwe Gwlad a Thiaan Thomas-Wheeler a Dewi Cross ar ôl eu tro cyntaf i’r Gweilch.
