Cymerodd saith o fyfyrwyr Cyfrifiadura a TG hynod o dalentog ran yng Nghystadleuaeth Sgiliau Cymru yn ddiweddar, gan ennill bron hanner y prif safleoedd yn y categorïau Seiberddiogelwch, Sgiliau Codio a Dylunio Gwe.
Mae Cystadleuaeth Sgiliau Cymru, sy’n cael ei chyflwyno gan y prosiect Ysbrydoli Rhagoriaeth mewn Sgiliau yng Nghymru ar ran y Rhwydwaith Llysgenhadon Sgiliau, wedi’i chynllunio i godi proffil sgiliau yng Nghymru. Gan ganolbwyntio ar feysydd twf ac anghenion yr economi, mae’r gystadleuaeth yn hwb i sgiliau gweithlu’r dyfodol. Mae Cystadleuaeth Sgiliau Cymru wedi’i halinio i WorldSkills, gyda nifer o gystadleuwyr yn mynd ymlaen i gystadlu yng nghystadlaethau WorldSkills y DU.
Bu myfyrwyr o golegau ledled Cymru yn cystadlu mewn sawl cystadleuaeth ar draws ystod o sectorau gan gynnwys TG, peirianneg, arlwyo, a therapi harddwch rhwng Ionawr a Mawrth.
Roedd Eira Williams, Pennaeth yr Ysgol Cyfrifiadura a TG wrth ei bodd: “Rwy’n hynod o falch o’r holl fyfyrwyr a fu’n cystadlu, mae’n gyflawniad arbennig sy’n dangos y dalent sydd yma yng Ngrŵp Colegau NPTC ac mae hefyd yn tystio i’r arbenigedd a’r gefnogaeth a ddarperir gan ein staff addysgu. Mae cyflawniad ar ein cyrsiau cyfrifiadura eisoes yn 99% a daeth 100% o’n myfyrwyr Gradd o hyd i gyflogaeth mewn diwydiannau cysylltiedig â chyfrifiadura o fewn tri mis o raddio y llynedd, sydd eto’n dangos ansawdd yr addysgu o fewn yr ysgol.”
Mae’r enillwyr yn cynnwys:
Joshua Roberts: Arian, Seiberddiogelwch
Mitchell Wilkes: Arian, Seiberddiogelwch
Alex Griffiths: Efydd, Seiberddiogelwch
Dylan Rogers: Efydd, Seiberddiogelwch
Dewi James: Arian, Sgiliau Codio
Luke Wooley: Arian, Dylunio Gwe
Jamie Mellin: Efydd, Dylunio Gwe
Nid yw’n rhy hwyr i ymuno â Grŵp Colegau NPTC!
Cliciwch yma i wneud cais am gwrs mewn cyfrifiaduron neu dechnoleg ddigidol
