Er ei fod yn parhau i fod yn gyfnod heriol i’r diwydiant, nid yw myfyrwyr ar y cwrs amaethyddol wedi arafu o ran gwneud oriau o waith caled.
Y mis hwn mae’r oriau dysgu hynny wedi talu ffordd i’r myfyriwr Emma Morgan-Page, y cyhoeddwyd ei bod yn ail yng Ngwobrau Dysgwr Ifanc y Flwyddyn ar y Tir Lantra Cymru. Ar hyn o bryd mae Emma, sydd ar y Cwrs Amaethyddiaeth Lefel 3 yng Ngholeg y Drenewydd yn ei hail flwyddyn, ar ôl cyflawni Rhagoriaeth yn ei blwyddyn gyntaf.
Roedd y gwobrau, a gyhoeddwyd eleni yn rhithiwr oherwydd pandemig parhaus Covid-19 yn cydnabod menter, sgiliau a brwdfrydedd unigolion sy’n dilyn gyrfa yn y broses amgylcheddol a thir.
Cyflwynwyd Emma, 17 oed o Yr Ystog yn Nhrefaldwyn ar gyfer y wobr gan y darlithydd a Rheolwr Ystadau ar y Tir a Dirprwy Bennaeth yr Ysgol Arlwyo, Lletygarwch ac Amaethyddiaeth, Martin Watkin, a ddywedodd “Mae Emma wedi dangos menter a brwdfrydedd rhagorol. Mae ei gwaith bob amser o safon uchel iawn ac rydym yn falch iawn ei bod wedi cael ei chydnabod yng Ngwobrau Lantra eleni”.
Mae enillwyr y Gwobrau a’r rhai ddaeth yn ail wedi’u hymrestru yn rhaglen newydd Llysgenhadon Lantra Cymru i hyrwyddo sgiliau a datblygiad o fewn y gadwyn gyflenwi bwyd a diod yng Nghymru. Bydd cyfuniad o adnoddau a chodi ymwybyddiaeth anffurfiol ar gael i bob llysgennad yn ystod y flwyddyn. Cyswllt Ffermio oedd prif noddwr y gwobrau hyn ac mae rhestr lawn o’r enillwyr i’w gweld ar wefan Lantra Cymru.
Da iawn Emma!
