Llongyfarchiadau i Elin Protheroe, myfyrwraig amaethyddiaeth yng Ngholeg y Drenewydd, sydd wedi’i henwi’n gyd-enillydd y wobr fawreddog yn Sioe Cymdeithas Amaethyddol Frenhinol Cymru 2022.
Mae Elin wedi haeddu ei llwyddiant drwy ddangos lefelau uchel o ymrwymiad i’w chwrs HND Amaethyddiaeth. Mae’n ymwneud yn helaeth â rhedeg ei fferm deuluol ac mae’n ysgrifennydd ei grŵp CFfI lleol. Ar lefel sirol mae hi wedi dal swydd Cadeirydd y Fforwm Ieuenctid ac wedi derbyn gwobr Aelod Iau y Flwyddyn. Mae hi’n cystadlu yng nghystadlaethau trin Gwlân y CFfI ac mae wedi ennill cystadleuaeth trin Gwlân y CFfI yn Sioe Frenhinol Cymru a gwobr Nofydd yr Holl Genhedloedd gan ganiatáu iddi gystadlu yn Nhîm Cymru yn Sioe Frenhinol Balmoral Iwerddon. Mae hi hefyd wedi cystadlu mewn cystadlaethau beirniadu stoc, siarad cyhoeddus a Fferm Factor.
Mae Elin yn rhoi cryn dipyn o’i hamser i’r gymuned ac yn ddiweddar mae wedi ymgymryd â rôl ysgrifennydd nawdd ar gyfer Cneifio Cyflym Rhyngwladol Cymru sy’n cael ei redeg ochr yn ochr â Sioe Frenhinol Cymru fel digwyddiad codi arian. Yn gynharach eleni dyfarnwyd gwobr Dysgwr y Flwyddyn LANTRA mawreddog i bobl 20 oed ac iau i Elin a oedd yn cydnabod ei chyfraniad i’r sector diwydiannau tir yng Nghymru. Mae hi wedi bod yn gweithio ar lefel ragoriaeth drwy gydol ei chwrs HND.
Dywedodd Neil Bowden, darlithydd amaethyddiaeth yng Ngholeg y Drenewydd: ‘Mae Elin yn fyfyriwr sylwgar sydd bob amser yn cymryd rhan lawn ac yn cymryd rhan mewn dadleuon dosbarth. Roedd ei phrosiect ymchwil yn arbennig o ddiddorol gan ei fod yn edrych ar rôl fferm ucheldir Cymru tuag at fwydo’r genedl, maes pwnc y mae Elin yn angerddol iawn amdano. Mae Elin wedi bod yn fyfyrwraig ffantastig. Mae hi’n llysgennad gwych i Grŵp NPTC ac amaethyddiaeth yn gyffredinol. Rwy’n ei llongyfarch yn fawr ar ei chyflawniadau.’
Dywedodd Martin Watkins, rheolwr ystadau diwydiannau’r tir a dirprwy bennaeth Arlwyo, Garddwriaeth ac Amaethyddiaeth: ‘Rydym i gyd yn falch o lwyddiannau Elin. Mae Elin wedi gweithio’n galed yn y coleg ac o’r herwydd wedi cael dylanwad cadarnhaol ar ei grŵp cyfoedion. Mae hi hefyd yn rownd derfynol Gwobr Myfyriwr y Flwyddyn y cylchgrawn cenedlaethol ‘Farmers’ Weekly’, sydd hefyd yn gyflawniad gwych.’
Dywedodd Elin: ‘Rwy’n falch iawn o ennill y wobr hon yn Sioe Frenhinol Cymru. Mae’r sioe wastad wedi bod yn ddigwyddiad blynyddol i mi a fy nheulu ac mae’n wych ennill yma. Fy nghynllun nawr yw “ychwanegu” at fy nghymhwyster HND gyda gradd ac rydw i wedi cael fy nerbyn ym Mhrifysgol Aberystwyth. Dwi wedyn yn gobeithio teithio ar draws y byd i gael profiadau newydd trwy weithio mewn gwahanol wledydd, yn enwedig Awstralia a Seland Newydd. Fy uchelgais hirdymor fyddai dychwelyd adref a gweithio ochr yn ochr â fy nheulu ar ein fferm bîff a defaid’.
