Cipiodd myfyriwr Coleg y Drenewydd, Ann Prys-Thomas wobr yn Swansea’s Got Textiles Talent eleni. Mae’r digwyddiad yn dod ag athrawon ac arbenigwyr ynghyd i rannu ymarfer gwych, sgiliau a gwybodaeth, gan arddangos y cyfleoedd gwych sydd ar gael ar gyfer gyrfaoedd mewn tecstilau a’r maes patrymau arwyneb ehangach.
Eleni dathlwyd gwaith myfyrwyr o ysgolion a cholegau lleol gyda chyflwyniadau gan sefydliadau ledled Cymru ar gyfer y categorïau cystadleuaeth Creadigrwydd, Arloesedd a Brwdfrydedd.
Enillodd Ann, sydd yn ei blwyddyn gyntaf o gwrs Lefel 3 Tecstilau Cynaliadwy UAL wobr yn y categori Arloesedd ar gyfer myfyrwyr sy’n dangos blaengaredd at y dyfodol, gan ennill y wobr Bright sparks, Future Forward Sustainable Practice.
Daeth y digwyddiad i ben gyda seremoni wobrwyo a gynhaliwyd gan y beirniad gwadd, Huw Rees o S4C ac a gafodd ei ffilmio gan Tinopolis. Dywedodd Georgia McKie, Rheolwr y Rhaglen, BA (Anrh) a MD (Anrh) Patrymau Arwyneb a Thecstilau: ‘Gwnaed argraff wych gan faint casgliad Ann a’r set sgiliau amlddisgyblaethol a ddefnyddiodd i’w gynhyrchu. Mae gwaith yr holl fyfyrwyr yn edrych yn hardd ac yn cael effaith ardderchog yn ein harddangosfa, diolch yn fawr iawn am gymryd rhan.’
Meddai Carys Jones, Darlithydd Celf a Dylunio yng Ngholeg y Drenewydd: ‘Rydym mor falch bod Ann wedi cael ei chydnabod am ei gwaith arloesol a bod gan ein myfyrwyr y llwyfan hwn i arddangos eu sgiliau creadigol. Mae’n caniatáu i fyfyrwyr a darlithwyr rannu syniadau dylunio gwych ac yn helpu i ysbrydoli llwybrau ar gyfer cyfleoedd yn y dyfodol a dilyniant gyrfa. Mae ystod mor eang o ddiwydiannau y gall myfyrwyr fynd iddynt o astudio tecstilau cynaliadwy o ffasiwn a dylunio mewnol i graffeg llonydd, dylunio mewnol cerbydau i setiau theatr a gwisgoedd. Mae Swansea’s Got Textile Talent yn helpu i gydnabod sgiliau a doniau’r diwydiant y mae dysgwyr yn eu cyflawni.’
