Mae cynnwys gorfodol y cymhwyster yn cyd-fynd â Fframwaith Sefydlu Cymru Gyfan ar gyfer y Blynyddoedd Cynnar a Gofal Plant gyda ffocws ymarferol penodol ar blant o dan 8 oed wedi’i gefnogi gan wybodaeth a dealltwriaeth o ddatblygiad plant hyd at 18 oed.
Yn ystod y rhaglen bydd prentisiaid yn:
- Deall, a chymhwyso’n ymarferol, yr egwyddorion a’r gwerthoedd sy’n sail i ofal, chwarae, dysgu a datblygiad plant.
- Deall, a chymhwyso, yn ymarferol, ymagweddau plentyn-ganolog at ofal, chwarae a dysgu;
- Hyrwyddo a chefnogi datblygiad plant trwy eu hymarfer eu hunain.
- Ymdrin â pholisïau allweddol o fewn y sector a sut mae’r rhain yn effeithio ar ddatblygu a darparu gwasanaethau.
- Gweithio mewn partneriaeth â phlant, eu teuluoedd, gofalwyr ac amrywiaeth o weithwyr proffesiynol.
- Myfyrio ar arfer i wella’n barhaus.
- Cymhwyso ystod o dechnegau datrys problemau.
- Defnyddio sgiliau llythrennedd, rhifedd a chymhwysedd digidol fel y bo’n briodol yn eu rôl.
Hyd
19 mis.
Bydd prentisiaid yn gweithio tuag at y cymwysterau canlynol:
- Diploma Lefel 2 neu 3 mewn Gofal, Chwarae, Dysgu a Datblygiad Plant Craidd; Bydd yr unedau’n cynnwys Hyrwyddo Ymarfer Craidd mewn Gofal, Chwarae, Dysgu a Datblygiad Plant, Hybu Chwarae, Dysgu, Twf a Datblygiad, Hybu Maeth a Hydradiad yn y Blynyddoedd Cynnar, Ymateb i Salwch Plentyndod, Heintiad/Heintiau, Clefydau ac Imiwneiddio a llawer mwy.
- Diploma Lefel 3 mewn Gofal, Chwarae, Dysgu a Datblygiad Plant – Ymarfer
- Bydd yr unedau’n cynnwys: Egwyddorion a Gwerthoedd, Iechyd, Lles, Dysgu a Datblygiad. Ymarfer Proffesiynol, Diogelu Plant, Iechyd a Diogelwch, Datblygiad Plant, Lleferydd, Iaith a Chyfathrebu, Cefnogi Plant (Maeth a Hydradiad).
- Sgiliau Cymhwyso Rhif SHC (mae eithriadau dirprwyol yn berthnasol).
- Sgiliau Cyfathrebu SHC (mae eithriadau dirprwyol yn berthnasol).
Beth fydd y cymhwyster yn arwain ato?
Mae cwblhau cymhwyster Lefel 3 Gofal, Chwarae, Dysgu a Datblygiad Plant: Ymarfer yn galluogi dysgwyr i weithio fel gweithiwr gofal plant Lefel 3 cymwysedig heb oruchwyliaeth ac, mewn llawer o leoliadau gwaith, mewn rôl arwain. Mae’r cymhwyster yn paratoi dysgwyr i symud ymlaen i: Lefel 4 Ymarfer Proffesiynol Gofal, Chwarae, Dysgu a Datblygiad Plant, Lefel 4 Paratoi ar gyfer Arwain a Rheoli mewn Gofal, Chwarae, Dysgu a Datblygiad Plant, Gradd Sylfaen yn y Blynyddoedd Cynnar neu gymhwyster tebyg.
