Chwaraeon a Gwasanaethau Cyhoeddus
Gwyddor Chwaraeon ac Ymarfer Corff
Mae gan Grŵp Colegau NPTC enw da sefydledig am lwyddiant chwaraeon, gyda chyn-fyfyrwyr yn ennill cydnabyddiaeth ryngwladol mewn amrywiaeth o chwaraeon.
Mae ein cyfleusterau yn Academi Chwaraeon Llandarcy yn cynnwys neuadd chwaraeon ryngwladol, wal ddringo, ystafell cryfder a chyflyru, trac dan do 60m, cyfleuster aml-chwaraeon dan do, a chae 4G. Gall myfyrwyr hefyd ddefnyddio ein hystafelloedd Canolfan Dysgu Electronig (ELC) llawn offer ynghyd ag ystafell gyffredin i fyfyrwyr sydd â theledu a thenis bwrdd.
Mae gan lawer o’n staff chwaraeon brofiad hyfforddi ar y lefel uchaf, a fydd yn datblygu galluoedd chwaraeon myfyrwyr, yn ogystal â bod yn rhan o’r academi a rhaglenni cyfoethogi.
Gall gyrfaoedd mewn Chwaraeon gynnwys hyfforddwr chwaraeon, athro Addysg Gorfforol, swyddog chwaraeon anabledd, therapydd chwaraeon, dadansoddwr chwaraeon, maethegydd chwaraeon, hyfforddwr campfa neu swyddog cymunedol chwaraeon.
Os ydych chi am roi hwb i’ch gyrfa ym myd cyffrous Gwyddor Chwaraeon ac Ymarfer Corff, yna gallai ein HND fod yn iawn i chi.
Gwasanaethau Cyhoeddus
Mae gwasanaethau cyhoeddus yn rhan hanfodol o’n cymdeithas a bydd ein Gradd BA (Anrh) Gwasanaethau Cyhoeddus mewn partneriaeth â’r Drindod Dewi Sant yn sicr yn gosod y sylfaen ar gyfer gyrfa yn yr Ambiwlans Heddlu, Gwasanaethau Tân, Gwasanaethau Prawf, Gwasanaeth Carchardai, Asiantaeth Ffiniau, Y Lluoedd Arfog. neu Gwylwyr y Glannau. Er enghraifft, mae llawer o’n cyn-fyfyrwyr wedi symud ymlaen i yrfaoedd amrywiol yn y sectorau cyhoeddus mewn lifrai, yn enwedig yr Heddlu, y Gwasanaeth Tân, y Gwasanaeth Carchardai a’r Lluoedd Arfog.
Yn ogystal, mae’r adran yn cynnal ymweliadau addysgol ledled y wlad i dynnu sylw at yrfaoedd posibl mewn Gwasanaethau Cyhoeddus mewn Lifrai. Mae myfyrwyr yn cymryd rhan weithredol mewn Ymarferion Digwyddiad Mawr gyda Thîm Cynllunio at Argyfwng Llywodraeth Cymru, yn gwneud profiad gwaith gyda Heddlu De Cymru a Sant Ioan fel rhan o Bwynt Cymorth yn Abertawe ac yn ymweld â llysoedd y goron i weld treialon troseddol. Os ydych am ddechrau gyrfa gyffrous yn y Gwasanaethau Cyhoeddus, yna gallai ein Gradd BA (Anrh) Gwasanaethau Cyhoeddus mewn partneriaeth â PCYDDS fod yn iawn i chi.
| Cyrsiau |
|---|
| Gwyddor Chwaraeon Ac Ymarfer Corff – HND (Amser-Llawn) - Addysg Uwch a Graddau |
